Monthly Archives: May 2010

ეგზორციზმის (ეშმაკის განდევნის) სრული რიტუალი (ნაწილი IV, დასასრული)


(გაგრძელება)

ეგზორციზმი

ამიტომ გიბძანებთ თქვენ, ყველა უწმინდურო სულო, ყველა ჯოჯოხეთის მოჩვენებავ, ყველა სატანის ძალავ, იესო ნაზარეველის (პირჯვარი) სახელით, რომელიც იოანეს მიერ მისი მონათვლის შემდგომ, წაყვანილ იქნა უდაბნოში, რათა გაემარჯვა მას თქვენზე თქვენსავე ციხე-სიმაგრეში, რათა ბოლო მოეღო თქვენი თავდასხმებისთვის იმ არსებებზე, რომლებიც მან შექმნა მიწისგან საკუთარი ღირსებითა და დიდებით;  რათა შედრკეთ საცოდავი ადამიანის დანახვაზე და მასში დაინახოთ ყოვლისშემძლე ღმერთის სახე და არა მისი ადამიანური უსუსურობა. მაშინ დანებდით ღმერთს (პირჯვარი), რომელმაც მისი მსახურის მოსეს მიერ განგდევნათ თქვენ და თქვენი ღვარძლი (ბოროტება) ფარაონის და მისი არმიის სახით შუა ზღვაში. დანებდით ღმერთს (პირჯვარი),  რომელმაც მისი მსახურის დავითის წმინდა გალობის მეშვეობით გაგაძევათ მეფე საულის გულიდან. დანებდით ღმერთს (პირჯვარი), რომელმაც დაგსაჯათ თქვენ მოღალატის იუდა ისკარიოტელის სახით. ვინაიდან ის ახლა გსჯით თავისი ღვთაებრივი წკეპლით (მათრახით), ეს ის (პირჯვარი) არის ვის დანახვაზეც შენ და შენმა ლეგიოენბმა შეჰკივლეთ: ”რა უნდა გავაკეთოთ შენს წინააღმდეგ იესო, ძეო ყოვლისშემძლე ღმერთისავ? იმისთვის მოხვედი, რომ დროზე ადრე გვაწამო?” ახლა მას უკან მიჰყავხარ სამუდამო ცეცხლში და გეენაში, მას ვინც ბოლო ჟამს ყველა უწმინდურს ეტყვის: ”გამეცალე წყეულო, წადი სამუდამო ცეცხლში, რომელიც ეშმაკისთვის და მისი ანგელოზებისთვისაა განკუთვნილი.”შენ და შენს მხარდამჭერებს შეესევიან მატლები, რომლებიც არასოდეს მოკვდებიან. ჩაუქრობელი ცეცხლი მზადაა შენთვის და შენიანებისთვის, წყეული მკვლელების პრინცო, გარყვნილების მამავ, სიბილწის სათავევ, ბოროტების ნიმუშო, ერესის განმავრცელებელო, ყველგვარი უხამსობის გამომგონებელო.

ჰოდა მაშ განვედ, უწმინდურო (პირჯვარი), განვედ წყეულო (პირჯვარი), განვედ ყველა შენი ცდუნებიანად, ვინაიდან ღვთის ნებით ადამიანი უნდა იყოს მისი ტაძარი. რატომ ხარ კვლავ აქ? ადიდე ყოვლისშემძლე (პირჯვარი)მამა ღმერთი, რომლის წინაშეც ყველამ მუხლი უნდა მოიდრიკოს. ადგილი დაუთმე უფალ იესო ქრისტეს (პირჯვარი) , რომელმაც საკუთარი წმინდა სისხლი დაღვარა კაცობრიობისთვის. ადგილი დაუთმე სული წმინდას (პირჯვარი) რომელმაც მისი დალოცვილი მოციქულის მეშვეობით დაგამარცხა შენ სიმონ გრძნეულის* სახით;  რომელმაც დაწყევლა შენი ტყუილი ანანიასა და საფირას სახით*; რომელმაც დაგამარცხა შენ ჰეროდეს სახით, რომელმაც არ ადიდა ღმერთი; რომელმაც მისი მოციქულის პავლეს მეშვებით მოგივლინა სიბრმავე მოგვი ელიმას* სახით; და იგივე მოციქულის პირით გიბრძანა რომ დაგეტოვებინა  წინასწარმეტყველი. განვედ (პირჯვარი) ახლავე, განვედ (პირჯვარი) მაცდურო, შენი ადგილი სიმარტოვეშია, შენი სახლი გველის ხვრელშია, ჩაეშვი და იხოხე იქ, ეს გადადებას არ ექვემდებარება, რადგან ყოვლისშემძლე ღმერთი მოდის ცეცხლით და ყველა მის მტერს გაანადგურებს ცეცხლის ალით, შენ შეიძლება ადამიანი შეიყვანო შეცდომაში, მაგრამ ღმერთის დაცინვა არ შეგიძლია, ეს ის არის ვინც გაგაძევებს, რომლის მხედველობიდანაც არაფერი იმალება. ეს ის არის ვინც გაგდევნის შენ, რომლის ძალასაც ემორჩილება ყოველივე. ეს ის არის ვინც გაგაგდებს შენ, რომელმაც მოამზადა სამუდამო ჯოჯოხეთის ცეცხლი შენთვის და შენი ანგელოზებისთვის, ვისი პირიდანაც გამოვა ბასრი ხმალი, რომელიც მოდის იმისთვის რომ განკითხოს ყველა, ცოცხალიც და მკვდარიც და მთელი სამყარო ცეცხლით.

ყველა: ამინ.

ამ ყოველივეს იმეორებენ მანამ სანამ შეპყრობილი ადამიანი ბოლომდე არ განთავისუფლდება.

ასევე ძალიან დიდ დახმარებას უწევთ ლოცვები: მამაო ჩვენი, გიხაროდენ ღვთისმშობელო მარიამ, მრწამსი და კიდევ ქვემოთ მოყვანილი ლოცვები:

ეგზორცისტი (და მგალობელთა გუნდი):  მოგვები აღმოსავლეთიდან მოვიდნენ ბეთლემში რათა ედიდებინათ უფალი; და მათ გახსნეს თავიანთი განძის სკივრები და აჩუქეს მას: ოქრო, ვინაიდან ის იყო დიდი მეფე; გუნდრუკი რადგან ის იყო ჭეშმარიტი ღმერთი; და მური მისი დაკრძალვის სიმბოლოდ. ალილუია

ლუკა 1:46-55

46. და თქვა მარიამმა: ადიდებს ჩემი სული უფალს,

47. გაიხარა ჩემმა სულმა ღმერთის, ჩემი მაცხოვრის გამო.

48. ვინაიდან მოხედა თავისი მხევლის სიმდაბლეს: და, აჰა, ამიერიდან ნეტარად შემრაცხავს ყოველი მოდგმა;

49. რადგანაც დიდი სიკეთე მიყო ყოვლადძლიერმა, და წმიდაა მისი სახელი.

50. წყალობა მისი თაობებიდან თაობებამდე ღმრთისმოშიშთა მიმართ.

51. მოავლინა თავისი მკლავის სიმტკიცე და გაჰფანტა ქედმაღალთა გულის ზრახვანი.

52. დაამხო ტახტთაგან ძლიერნი და აამაღლა მდაბალნი.

53. სიკეთით აავსო მშიერნი და ხელცარიელი გაისტუმრა მდიდარნი.

54. შეეწია ისრაელს, მონას თვისას, და გაიხსენა წყალობა.

55. როგორც აუწყა ჩვენს მამებს, აბრაამს და მის შთამომავალთ უკუნისამდე.


ეგზორცისტი (და მგალობელთა გუნდი):  მოგვები აღმოსავლეთიდან მოვიდნენ ბეთლემში რათა ედიდებინათ უფალი; და მათ გახსნეს თავიანთი განძის სკივრები და აჩუქეს მას: ოქრო, ვინაიდან ის იყო დიდი მეფე; გუნდრუკი რადგან ის იყო ჭეშმარიტი ღმერთი; და მური მისი დაკრძალვის სიმბოლოდ. ალილუია

ლუკა 1:68-79

68. კურთხეულია უფალი ღმერთი ისრაელისა, ვინაიდან მოხედა და იხსნა თავისი ხალხი.

69. აღგვიმართა რქა ხსნისა თავისი მონის, დავითის სახლში.

70. როგორც გვაუწყა თავის წმიდა წინასწარმეტყველთა პირით, რომელნიც უკუნისიდან იყვნენ:

71. რომ გვიხსნიდა ჩვენი მტრებისგან და ყველა ჩვენი მოძულის ხელიდან;

72. რომ მოწყალე იქნებოდა ჩვენი მამების მიმართ და გაიხსენებდა თავის წმიდა აღთქმას;

73. თანახმად ფიცისა, რომლითაც შეჰფიცა მამას ჩვენსას აბრაამს, რომ მოგვცემდა ჩვენ,

74. მის შემდეგ, რაც დაგვიხსნიდა ჩვენი მტრების ხელიდან, – მის მიმართ უშიშრად

75. და მის წინაშე სიწმინდითა და სიწრფელით მსახურების ნებას მთელი ჩვენი სიცოცხლის მანძილზე.

76. ხოლო შენ, ყრმაო, უზენაესის წინასწარმეტყველად იწოდები, რადგანაც წინ წარუძღვები უფალს, რათა გაამზადო მისი გზა.

77. და მათი ცოდვების მიტევებით მისცე მის ხალხს ხსნის შემეცნება.

78. ჩვენი ღმერთის გულმოწყალებით, ვისი მეოხებითაც გადმოგვხედა აღმოსავლეთმა მაღლით.

79. რათა გაენათლებინა სიბნელესა და სიკვდილის ჩრდილში მსხდომნი და მშვიდობის გზით წარემართა ჩვენი ნაბიჯი.

შემდეგ მოდის ფსალმუნები 90, 67;  69; 53,  117, 34; 30; 21; 3; 10; 12.

ეგზროცისტი: ყოვლისშემძლე ღმერთო, გევედრებით ახლოს არ მიუშვა ეს ბოროტი სული შენს მსახურთან, და გევედრებით აღარასოდეს აღარ დაბრუნდეს. უფალო იესო ქრისტე, ჩვენო მხსნელო, დაე სიმშვიდემ და სიკეთემ დაისადგუროს ამ ადამიანის სულში. დაე აღარ გვეშინოდეს ბოროტის, რადგან უფალი არს ჩვენთან, ვინც შენტან ერთად ცხოვრობს და განაგებს ღმერთი და სული წმინდა, უკუნითი უკუნისამდე.

ყველა: ამინ.

სიმონ გრძნეული* – ახალი აღთქმა, მოციქულთა საქმენი 8:9-24
ანანია და საფირა* – ახალი აქღთქმა, მოციქულთა საქმენი  5:1-10
მოგვი ელიმა* – ახალი აღთქმა, მოციქულთა საქმენი 13:8

ეგზორციზმის (ეშმაკის განდევნის) სრული რიტუალი (ნაწილი III)


(გაგრძელება)

შემდეგ კვლავ იწყება ლოცვა:

ღმერთო ადამიანთა მოდგმის შემქმნელო და დამცველო, რომელმაც შექმენი ადამიანი შენს ხატად, გადმოხედე შენს მსახურს მოწყალებით (სახელი), რომელიც ახლა იტანჯება უწმინდური სულის მიერ,  რომელიც ახლა აღმოჩნდა ადამიანთა მოდგმის უძველესი მტრის მიერ შექმნილი საფრთხის ქვეშ, რომელიც ბინდავს და აჩლუნგებს ადამიანთა გონებას, აგდებს მას საშინელ შიშში, თრგუნავს მას პანიკით. განდევნე უფალო ეშმაკის ძალა, ნაფლეთებად აქციე მისი მახეები, აიძულე გაიქცეს იგი. შენი სახელის ნიშნით (ჯვარს სახავენ ავადმყოფს შუბლზე), დაე შენი მსახური იქნას დაცული სულით და ხორცით (სამ ჯვარს სახავენ ავადმყოფის გულმკერდზე). თვალი ადევნე მის გულში მიმდინარე მოვლენებს (1 ჯვარი), განკარგე მისი ემოციები ( მეორე ჯვარი), გააძლიერე მისი ნება (მესამე ჯვარი). გაქრეს მისი სულიდან ძლიერი მოწინააღმდეგის ყველა ცდუნება. უფალო, შენი წმ. სახელის წყალობით, დაე ამ ბოროტმა სულმა, რომელიც დღემდე გვატერორებდა ჩვენ, თავადვე დაიხიოს უკან შიშისა და ტერორის შეგრძნებით, რათა შენმა მსახურმა, შეძლოს განაგრძოს მყარად და გულწრფელად შენს სამსახურში ყოფნა, იესო ქრისტეს სახელით.

ყველა: ამინ.

ეგზორციზმი

გიბრძანებ შენ, უძველესო გველო, ცოცხალთა და მკვდართა მოსამართლის, შენი შემქმნელის, მთელი სამყაროს შემქმნელის, იმის სახელით ვისაც აქვს ძალა გაგიშვას ჯოჯოხეთში, დაუყოვნებლივ დაბრუნდე ჯოჯოხეთში შენს მხლებლებთან ერთად და გახვიდე ღვთის ამ მსახურისგან (სახელი), რომელიც ეძებს თავშესაფარს ეკლესიის ფრთის ქვეშ. კიდევ ერთხელ გიბრძანებ (ჯვარი წარბზე) არა ჩემი სისუსტით არამედ სული წმინდის სიძლიერით, რათა გახვიდე ამ ღვთის მსახურისგან (სახელი), რომელიც ყოვლისშემძლე ღმერთმა შექმნა თავის ხატად. დანებდი, თუმცა დანებდი არა ჩემს ბრძანებას არამედ უფლისას იესო ქრისტესი. ვინაიდან ეს არის იეოს ქრისტეს ძალა რომელიც გაიძულებს შენ, რომლის ჯვარმაც დაგაჩოქა შენ. ძრწოდე იმ ყოვლისშემძლე ძალის წინაშე, რომელმაც დაამსხვრია ბნელი ციხის კედლები და წაიყვანა სულები სინათლისკენ.  დაე ძრწოლა, რომელმაც აიტანა ამ ადამიანის სხეული (ჯვარი გულმკერდზე) და შიში რომელმაც შეიპყრო ეს ხატი ღვთისა (ჯვარი წარბზე) გადმოვიდეს შენზე. წინააღმდეგობის გაწევისა და გადადების გარეშე გადი ამ ადამიანისგან, ვინაიდან იესო ქრისტე ცხოვრობს ადამიანში. არც კი იფიქრო ჩემი ბრძანების აბუჩად აგდება, ვინაიდან იცი, რომ მე უდიდესი ცოდვილი ვარ. თავად ღმერთი (პირჯვარი) გიბრძანებს შენ, თავად ქრისტე (პირჯვარი) გიბრძანებს შენ. მამა ღმერთი (პირჯვარი) გიბრძანებს შენ, ძე ღვთისა (პირჯვარი) გიბრძანებს შენ, სული წმინდა (პირჯვარი) გიბრძანებს შენ. ჯვრის ამოუცნობი ძალა გიბრძანებს (პირჯვარი) შენ. წმინდა მოციქულების პეტრესა და პავლეს რწმენის ძალა, ყველა წმინდანის რწმენის ძალა გიბრძანებს(პირჯვარი) შენ. წამებულთა სისხლი გიბრძანებს (პირჯვარი) შენ. აღმსარებლების სინდისი გიბრძანებს (პირჯვარი) შენ. ყველა წმინდა ქალისა თუ მამაკაცის წრფელი ლოცვა გიბრძანებს (პირჯვარი) შენ. ჩვენი ქრისტიანული რწმენა გიბრძანებს (პირჯვარი) შენ.

განვედ ცოდვილო. განვედ მაცდურო, სავსევ ტყუილითა და ცბიერებით, სათნოების მტერო, უდანაშაულოთა მდევნელო. ადგილი დაუთმე, საზიზღარო არსებავ, გზა დაუთმე, ურჩხულო, გზა დაუთმე ქრისტეს, რომელშიც შენ ვერცერთ შენს საქმეს ვერ იპოვი. ვინაიდან მან უკვე წაგართვა ძალა და დააცარიელა შენი სამეფო, დაგაბა შენ და გაძარცვა შენი ყველა იარაღი. გაგადო მან სიბნელეში, სადაც სამუდამო დაღუპვა გელის შენ და შენს მხარდამჭერთ. რაღას უწევ წინააღმდეგობას? რატომ უარყოფ? ვინაიდან იცი, რომ დამნაშავე ხარ ყოვლისშემძლე ღმერთის წინაშე, რომლის კანონებიც დაარღვიე. შენ დამნაშავე ხარ მისი ძის წინაში, ჩვენი უფლის იესო ქრისტეს წინაშე, ვისი შეცდენაც გქონდა განზრახული, ვისი ჯვარცმაც შენ გაბედე. შენ დამნაშავე ხარ მთელი ადამიანთა მოდგმის წინაშე, ვისაც შენ შესთავაზე შენი საცდურებით სავსე სიკვდილის ჭიქა.

ამიტომ გიბრძანებ შენ, გარყვნილ დრაკონს, წმინდა ცეცხლის სახელით, რომელმაცფეხქვეშ გათელა გველი და ბასილისკი*, დაამარცხა ლომი და დრაკონი, განვედ ამ ადამიანისგან (ჯვარი შუბლზე), განვედ ღმერთის ეკლესიიდან (პირჯვარი დამსწრეებს). ძრწოდე და გაიქეცი, ვინაიდან ჩვენ ვიხმობთ უფლის სახელს, ვის წინაშეც ჯოჯოხეთის მკვიდრნიც შიშისგან იკუნტებიან, ვისიცაა ყველა ზეციური სათნოება და ძალა, ვისაც ქერუბიმები და სერაფიმები უგალობენ: წმინდაო, წმინდაო, წმინდაო უფალო, უფალო ღმერთო საბაოთა*. განკაცებული სიტყვა გიბრძანებს შენ (პირჯვარი), ქალწულის ძე (პირჯვარი) გიბრძანებს შენ, იესო ნაზარეველი (პირჯვარი) გიბრძანებს შენ, ვინც ერთხელ, როდესაც შენ აბუჩად აიგდე მისი სწავლება, გაიძულა შენ გეწვნია დამამცირებელი დამარცხება და გაქცეულიყავი (დაგეტოვებინა) ადამიანისგან და როდესაც გამოგაგდო მისი ბრძანების გარეშე ისიც კი ვერ გაბედე შესულიყავი ღორების კოლტში. და ახლა, როდესაც მე გიბრძანებ შენ მისი სახელით (პირჯვარი), განვედ ამ ადამიანისგან, რომელიც მისი ქმნილებაა. სისულელეა მისი ნებისთვის წინააღმდეგობის გაწევა (პირჯვარი). ძნელია შენთვის  წინააღმდეგ წასვლა. რაც უფრო გადადებ წასვლას, მით უფრო მძიმე იქნება შენი სასჯელი, ვინაიდან შენ წინააღმდეგობას უწევ არა ადამიანს, არამედ მას ვინც განკარგავს ყველას ცოცხლსაც და მკვდარსაც, ვინც მოდის ყველას ცოცხლებისა და მკვდრების განსასჯელად, მსოფლიოს განსასჯელად ცეცხლით.

ყველა: ამინ.

ეგზორცისტი: უფალო ისმინე ჩემი ლოცვა.

ყველა: და დაე ჩემი ტირილი შესმენილ იქნას.

ეგზორცისტი: უფალი იყოს თქვენთან.

ყველა: უფალი იყოს თქვენთანაც.

მოდით ვილოცოთ.

ღმერთო ზეცისავ და დედამიწისავ, ღმერთო ანგელოზებისავ და მთავარანგელოზებისავ, ღმერთო მოციქულებისავ და წინასწარმეტყველებისავ,  ღმერთო წამებულებისავ და ქალწულებისავ, ღმერთო რომელიც ჩუქნი სიცოცხლეს სიკვდილის შემდეგ და დასვენებას შრომის შემდეგ, ვინაიდან არ არის სხვა ღმერთი შენს გარდა, შეუძლებელია იყოს ჭეშმარიტი ღმერთი შენს გარდა, ზეცისა და მიწის შემქმნელო, ვინც ნამდვილად არის ხელმწიფე, ხელმწიფე, რომლის სამეფოც უსაზღვროა და მე მოკრძალებულად გევედრები შენ დიდებულო რათა დაიცვა შენი მსახური ამ უწმინდური სულებისგან, უფალი იესო ქრისტეს სახელით.

ყველა: ამინ.

შემდეგ გრძელდება ეგზორციზმი.

*ბასილისკი- მითოლოგიაში უდიდესი რეპტილია, რომლის სუნთქვაც და რომლის გამოხედვაც იყო სასიკვდილო.

* ღმერთო საბაოთა – იხილეთ ახალი აღთქმა, რომაელების მიმართ 9.29.

გაგრძელებას შემდეგ პოსტში დავწერ.


ეგზორციზმის (ეშმაკის განდევნის) სრული რიტუალი (ნაწილი II)


(გაგრძელება)

ლოცვის დასრულების შემდეგ მღვდელი (ეგზორცისტი) უბრძანებს დემონს:

გიბრძანებ შენ, ბინძურო სულო, ვინც არ უნდა იყო, შენს  მეგობრებთან ერთად, რომლებიც ახლა ებრძვით ღვთის მსახურს, განკაცების, ვნების, აღდგომის და ამაღლების ჩვენი უფალი იესო ქრისტეს სახელით, სული წმინდის ძალით, უფლის მეორედ განსაკითხავად მოსვლის სახელით, მითხარი ან რაიმე ნიშნით მაცნობე შენი სახელი და შენი წასვლის ზუსტი დღე და საათი. გიბრძანებ შენ, დამემორჩილო მე, ღვთის წარმომადგენელს მიუხედავად ჩემი უღირსობისა, არ გაბედო რაიმე სახით ამ ღვთის ქმნილებისთვის ზიანის მიყენება.

შემდეგ ეგზორცისტი ადებს ხელს მსხვერპლს თავზე და ამბობს:

”მათ უნდა დაადონ ხელი ავადმყოფ ადამიანს და ყველაფერი კარგად იქნება”. ისეო ქრისტე, მარიამის ძე, უფალი და მხსნელი,  მისი წმინდა მოციქულების პეტრესა და პავლეს და მისი ყველა წმინდანის ძალით, დაე განახოს მან თავის მოწყალება და სიკეთე.

ყველა: ამინ

შემდეგ ეგზორცისტი შეპყრობილ ადამიანს უკითხავს სახარებიდან შემდეგ ნაწილებს (ან ყველას ან რამოდენიმეს).

ეგზორცისტი: უფალი იყოს თქვენთან.

ყველა: უფალი იყოს თქვენთანაც.

ეგზორცისტი: იონაეს წმინდა სახარების დასაწყისი.

ყველა: დიდება შენდა უფალო.

იოანეს სახარება 1.1-1.4

როდესაც ეგზორცისტი ამ სიტყვებს ამბობს ის იდებს ნიშანს და ადებს ნიშანს მსხვერპლსაც ტუჩებზე, წარბებზე და გულმკერდზე (ჯვარს).

1. პირველითგან იყო სიტყუაჲ, და სიტყუაჲ იგი იყო ღმრთისა თანა, და ღმერთი იყო სიტყუაჲ იგი. 2. ესე იყო პირველითგან ღმრთისა თანა. 3. ყოველივე მის მიერ შეიქმნა, და თჳნიერ მისა არცა ერთი რაჲ იქმნა, რაოდენი-რაჲ იქმნა. 4. მის თანა ცხორებაჲ იყო და ცხორებაჲ იგი იყო ნათელ კაცთა. 5. და ნათელი იგი ბნელსა შინა ჩანს, და ბნელი იგი მას ვერ ეწია.

6. იყო კაცი მოვილინებული ღმრთისა მიერ, და სახელი მისი იოვანე. 7. ესე მოვიდა მოწამედ, რაჲთა წამოს ნათლისა მისთჳს, რაჲთა ყოველთა ჰრწმენეს მისგან. 8. არა თუ იგი იყო ნათელი, არამედ რაჲთა წამოს ნათლისა მისთჳს. 9. იყო ნათელი ჭეშმარიტი, რომელი განანათლებს ყოველსა კაცსა, მომავალსა სოფლად. 10. სოფელსა შინა იყო, და სოფელი მის მიერ შეიქმნა, და სოფელმან იგი ვერ იცნა. 11. თჳსთა თანა მოვიდა, და თჳსთა იგი არა შეიწყნარეს. 12. ხოლო რაოდენთა-იგი შეიწყნარეს, მოსცა მათ ჴელმწიფებაჲ შვილ ღმრთისა ყოფად, რომელთა ჰრწამს სახელი მისი, 13. რომელნი არა სისხლთაგან, არცა ნებითა ჴორცთაჲთა, არცა ნებითა მამაკაცისაჲთა, არამედ ღმრთისაგან იშვნეს. 14. და სიტყუაჲ იგი ჴორციელ იქმნა და დაემკჳდრა ჩუენ შორის, და ვიხილეთ დიდებაჲ მისი, დიდებაჲ ვითარცა მხოლოდ შობილისაჲ მამისა მიერ, სავსე მადლითა და ჭეშმარიტებითა.

ყველა: დიდი მადლობა უფალო.

ბოლოს ეგზორცისტი ლოცავს შეპყრობილსს:

ყოვლისშემძლე ღვთის წყალობა იყოს შენთან,  მამის, ძის და სული წმინდის. დაე დარჩეს ეს წყალობა შენთან სამუდამოდ.

შემდეგ მღვდელი (ეგზორცისტი) ასხურებს ნაკურთხ წყალს ავადმყოფს (შეპყრობილს).

მარკოზის სახარება (16.15-18)

15. და ჰრქუა მათ: წარვედით ყოველსა სოფელსა და უქადაგეთ სახარებაჲ ესე ყოველსა დაბადებულსა. 16. რომელსა ჰრწმენეს და ნათელ-იღოს, ცხოვნდეს; და რომელსა არა ჰრწმენეს, დაისაჯოს. 17. ხოლო სასწაული მორწმუნეთა მათ ესე შეუდგეს: სახელითა ჩემითა ეშმაკთა განასხმიდენ, ენათა ახალთა იტყოდიან, 18. გუელთა შეიპყრობდენ; დაღათუ სასიკუდინე რაჲმე სუან, არარაჲ ავნოს მათ; სნეულთა ზედა ჴელსა დასდებდენ, და განცოცხლდებოდიან.

ლუკას სახარება (10.17-20)

17. და მოიქცეს სამეოც და ათნი იგი სიხარულითა და იტყოდეს: უფალო, ეშმაკნიცა დაგუემორჩილებიან სახელითა შენითა. 18. ჰრქუა მათ იესუ: ვხედევდ ეშმაკსა ვითარცა ელვასა, ზეცით გარდამოვრდომილსა. 19. აჰა მიგცემ თქუენ ჴელმწიფებასა დათრგუნვად გუელთა და ღრიაკალთა და ყოველსა ზედა ძალსა მტერისასა, და თქუენ არარაჲ გევნოს. 20. ხოლო ამას ზედა ნუ გიხარინ, რამეთუ სულნი უკეთურნი დაგემორჩილებიან, არამედ გიხაროდენ, რამეთუ სახელები თქუენი დაიწერა ცათა შინა.

ლუკას სახარება (11.14-22)

14. და კაცისა ვისგანმე განაძო ეშმაკი, რომელი იყო ყრუჲ. და იყო განსლვასა მას ეშმაკისასა იტყოდა ყრუჲ იგი. და უკჳრდა ყოველსა მას ერსა. 15. ხოლო რომელთამე მათგანთა თქუეს: ბელზებულითა, მთავრითა მით ეშმაკთაჲთა, განასხამს ეშმაკთა. 16. და სხუანი ვინმე გამოცდით სასწაულსა ზეცით ითხოვდეს მისგან. 17. ხოლო თავადმან იცნოდა ზრახვანი მათნი და ჰრქუა მათ: ყოველი მეუფებაჲ, რომელი თავსა თჳსსა განევლთის, მოოჴრდის, და სახლი სახლსა ზედა დაეცის. 18. და უკუეთუ ეშმაკი თავსა თჳსსა განევლთა, ვითარ დამტკიცნეს მეუფებაჲ მისი? რამეთუ იტყჳთ ჩემთჳს, ვითარმედ: ბელზებულითა განვასხამ ეშმაკთა. 19. უკუეთუ მე ბელზებულითა განვასხამ ეშმაკთა, ძენი თქუენნი რაჲთა განასხმენ? ამისათჳს იგინივე მსაჯულ გექმნენ თქუენ. 20. უკუეთუ მე თითითა ღმრთისაჲთა განვასხამ ეშმაკთა, მო-სამე-წევნულ არს თქუენ ზედა სასუფეველი ღმრთისაჲ. 21. რაჟამს ძლიერი შეჭურვილი სცვიდეს ეზოსა თჳსსა, მშჳდობით არნ მონაგები მისი. 22. და ოდეს უძლიერესი მისი ზედა-მოუჴდის, სძლის მას და საჭურველი მისი მოუღის, რომელსა-იგი ესვიდა, და ნატყუენავი მისი განუყვის.

ეგზორცისტი: ღმერთო ისმინე ლოცვა ჩემი.

ყველა:  და დაე ჩვენი ტირილი შესმენილ იქნეს.

ეგზორცისტი:  უფალი იყოს თქვენთან.

ყველა:  დაე უფალი იყოს თქვენთანაც.

მოდით ვილოცოთ.

ყოვლისშემძლე უფალო, ღმერთის, ჩვენი მამის სიტყვავ, იესო ქრისტე, უფალო და ღმერთო ყველა ქმნილებისავ,  შენ ვინც მიეცი შენს მოციქულებს ძალა ფეხქვეშ გაეთელათ გველები და მორიელები, მიეცი უფლება ეთქვათ ”გადით, დემონებო!” და ვისი ძალითაც სატანა, როგორც ელვა ჩამოვარდა სამოთხიდან, მოკრძალებულად ვუხმობ შენს სახელს შიშით და თრთოლვით და გთხოვ, რომ შენს უღირს მსახურს, შემინდო ყველა ცოდვა, მომცე ურყევი რწმენა და ძალა – შენი მხარდაჭერით – რათა შევებრძოლო დარწმუნებით და დავამარცხო ეს დემონი. მე ვითხოვ ამას შენი შემწეობით უფალო და ღმერთო ჩვენო იესო ქრისტე, რომელიც მოხვალ ცეცხლით რათა განკითხო ყველა – მკვდარიც და ცოცხალიც.

ყველა:  ამინ.

შემდეგ იწერს პირჯვარს და წერს პირჯვარს ავადმყოფსაც, ათავსებს იასამნისფერი საყელურის ბოლოს მის კისერზე, ადებს მარჯვენა ხელს თავზე და ამბობს შემდეგს მთელი რწმენითა და თავდაჯერებულობით:

ეგზორცისტი: ხედავ უფლის ჯვარს, განვედ ბოროტო ძალავ!

ყველა:  დავითის მოდგმა, ლომი იუდას გვარისა, დაპყრობილ იქნა.

ეგზორცისტი: უფალო შეისმინე ლოცვა ჩემი.

ყველა: და დაე ჩემი ტირილი შესმენილ იქნეს.

ეგზორცისტი:  უფალი იყოს თქვენთან.

ყველა: დაე უფალი იყოს თქვენთანაც.

მოდით ვილოცოთ.

ღმერთო და მამაო უფლისა ჩვენისა იესო ქრისტესი, მე მივმართავ შენს წმინდა სახელს, მოკრძალებით ვითხოვ შენს სიკეთეს, რათა შენ მოწყალებით მომივლინო დახმარება ამ და ყველა უწმინდური სულის წინააღმდეგ, რომელიც ახლა აწამებს შენს ქმნილებას, უფალი იესო ქრისტეს სახელით გთხოვ მე.

ყველა: ამინ.

ეგზორციზმი

გამოდი გარეთ, უწმინდურო სულო, ყველა შენს სატანურ ძალასთან, ჯოჯოხეთის ლანდთან და ყველა შენს კომპანიონთან ერთად, უფალი იესო ქრისტეს სახელით (პირჯვარი), გაქრი და თავი შორს დაიჭირე ამ ღვთის ქმნილებისგან (პირჯვარი), ვინაიდან ის (უფალი) გიბრძანებს შენ, ის ვინც გამოგაძევა სამოთხიდან და გაგიშვა ჯოჯოხეთის სიღრმეში, დიახ ეს ის არის ვინც გიბრძანებს შენ, ის ვინც დააცხრო ზღვა, ჩააყენა გრიგალი და შტორმი. შეისმინე შენ და ძრწოდე შიშით, სატანავ, რწმენის მტერო, ადამიანთა მოდგმის მტერო, სიკვდილის მომტანო, სიცოცხლის მძარცველო, სამართლის მტერო, ყველა ბოროტებისა და უზნეობის სათავევ, ადამიანთა მაცდურო, ხალხის გამყიდველო, შურის, სიხარბის მთესველო, ჩხუბის სათავევ, ტკივილისა და სევდის ავტორო. რატომ არ იცვლი ფეხს და უწევს წინააღმდეგობას, როდესაც იცი, რომ უფალი იესო ქრისტე ყველა შენს გეგმას გააცამტვერებს (შენი გეგმებისგან არაფერი გამოვა)? გეშინოდეს მისი, რომელიც ისააკის მიხედვით შეთავაზებულ იქნა მსხვერპლად, იოსების მიხედვით გაიყიდა მონად, მოკლულ იქნა, ჯვარს ეცვა როგორც ადამიანი, და მიუხედავად ამ ყველაფრისა ტრიუმფით გაიმარჯვა ჯოჯოხეთის ძალებზე, სამი ჯვრის ნიშანი დაესმევა მსხვერპლს ამ დროს წარბზე (შუბლზე). გაქრი, მამის (ღმერთის), ძის და სული წმინდის სახელით. გზა დაუთმე სული წმინდას ამ წმინდა ჯვრის (უფლისა ჩვენისა იესო ქრისტესი გადაწერით) (პრიჯვარი), რომელიც ცხოვრობს და მეფობს მამასთან და სული წმინდასთან ერთად, ღმერთი უკუნითი უკუნისამდე.

ყველა: ამინ.

ეგზორცისტი: ღმერთო შეისმინე ლოცვა ჩემი.

ყველა: დაე ჩემი ტირილი შესმენი იქნას.

ეგზორცისტი: უფალი იყოს თქვენთან.

ყველა: დაე უფალი იყოს თქვენთანაც.

შემდეგ კვლავ იწყება ლოცვა.

რიტუალის გაგრძელება შემდეგ პოსტში (ძალიან დიდი რიტუალია).


ეგზორციზმის (ეშმაკის განდევნის) სრული რიტუალი (დასაწყისი)


მღვდელი, რომელსაც ეძლევა უფლება ჩაატაროს ეგზორციზმის რიტუალი, სანამ შეუდგება საქმეს აუცილებლად უნდა ჩააბაროს აღსარება და ღმერთს სთხოვოს დახმარება. ეგზორცისტი იცვამს სტიქარს და იკეთებს იასამნისფერ საყელურს. როდესაც ის პირისპირ აღმოჩნდება მსხვერპლთან (რომელიც საჭიროა იყოს დაბმული, რაიმე სახის რისკის შემთხვევაში), მას გადასახავს პირჯვარს, შემდეგ თავად იწერს პირჯვარს და ყველას ასხამს ნაკურთხ წყალს. შემდეგ იჩოქებს და ადიდებს წმინდანებს და ყველა დამსწრე ვალდებულია უპასუხოს მას.

წმინდანების დიდება (ლიტანია)

ლიტანია გრძელდება 40 საათის განმავლობაში, მას თან ახლავს მუსიკა, მღვდელი ლოცულობს და მისი დამხმარეები (შემდეგში დამ.) შესაძლებლობის შემთხვევაში ან გალობენ ან უბრალოდ პასუხობენ ეგზორცისტს (შემდეგში ეგ.).

ეგ: უფალო შეგვიწყალენ.

დამ: უფალო შეგვიწყალენ.

ეგ: უფალო იესო ქრისტე შეგვიწყალენ.

დამ: უფალო იესო ქრისტე შეგვიწყალენ.

ეგ: უფალო შეგვიწყალენ

დამ: უფალო შეგვიწყალენ.

ეგ: უფალო იესო ქრისტე გვისმინე ჩვენ.

დამ: უფალო იესო ქრისტე შეგვიწყალენ და გვისმინე ჩვენ.

ეგ: მამაო ჩვენო, რომელი ხარ ცათა შინა (სიტყვა სიტყვით, რომელი ხარ სამოთხეში)

დამ: შეგვიწყალენ ჩვენ.

ეგ: უფალო, ძეო ღვთისავ, კაცობრიობის მხსნელო.

დამ: შეგვიწყალენ ჩვენ.

ეგ: ღმერთო, სული წმინდავ.

დამ: შეგვიწყალენ ჩვენ.

ეგ: ღმერთო,  წმინდაო სამებავ.

დამ: შეგვიწყალენ ჩვენ.

ღვთისმშობელო ილოცე ჩვენთვის.*

* ყოველი ლოცვის შემდეგ მოდის ილოცე ჩვენთვის.

ღვთისმშობელო დედავ, ღვთისმშობელო ქალწულო,

წმინდაო მიქაელ, წმინდაო გაბრიელ, წმინდაო რაფაელ,

ყველა ანგელოზო და მთავარანგელოზო

ყველა წმინდაო სულო:

წმ. იოანე,

წმ. იოსებ

ყველა წმინდაო პატრიარქო და წინასწარმეტყველო:

წმ. პეტრე,

წმ. პავლე,

წმ. ანდრია,

St. James, (ქართული თარგმანი ვერ მოვძებნე)

წმ. იოანე,

წმ. თომა,

St. James,

წმ ფილიპე,

წმ. ბართოლომე,

წმ. მათე,

წმ. სვიმონ,

წმ. თადეუს,

წმ. მატათა,

წმ. ბარნაბა,

წმ. ლუკა,

წმ. მარკოზ,

წმინდა ბიბლიის და სახარების სახელით,

ყველა წმინდაო მოწაფეო იესო ქრისტესი,

ყველა წმინდაო უცოდველო,

წმ. სტეფან,

წმ. ლორენს,

წმ. ვინსენტ,

წმინდანებო ფაბიან და სებასტიან,

წმინდანებო იოანე და პავლე,

წმინდანებო კოზმა და დამიან,

წმინანებო გერვასე და პროტასე,

ყველა წმინდაო წამებულო,

წმ. სილვესტერ,

წმ, გრეგორი,

წმ. ამბროს,

წმ ავგუსტინ,

წმ. ჯერომ,

წმ. მარტინ,

წმ. ნიკოლოზ.

ყველა წმინდაო ეპისკოპოსო და წინამძღვარო,

წმ. ანტონ,

წმ ბენედიქტ,

წმ. ბერნარდ,

წმ. დომინიკ,

წმ. ფრანსის.

ყველა წმინდაო მოძღვარო და ლევიტო,

ყველა წმინდაო მონაზონო და ბერო,

წმ. მარიამ მაგდალინელო,

წმ. აგათა,

წმ. ლუცია,

წმ. აგნეს,

წმ. სესილია,

წმ. კეტრინ,

წმ. ანასტასია,

ყველა წმინდაო ქალწულო და ქვრივო.

ეგ: ყველა წმინდანო.

დამ: გვიშუამდგომლეთ ჩვენ.

ეგ: მოიღეთ მოწყალება,

დამ: ო ღმერთო, დაგვიფარე ჩვენ.

ეგ: იყავით მოწყალენი,

დამ: ო ღმერთო, შეგვიწყალენ და გვისმინე ჩვენ.

დაგვიფარე ჩვენ ყველა ბოროტისგან. *

* ყოველი ლოცვის შემდეგ – დაგვიფარე ჩვე .

ყველა ცოდვისგან, შენი განრისხებისგან, მოულოდნელი გარდაცვალებისგან, ეშმაკის მახეებისგან, მრისხანებისგან, სიძულვილისგან, ყველა ცუდი განზრახვისგან, ყველა ხუშტურისგან, ელვისგან, ქარიშხლისგან, მიწისძვრებისგან, ჭირისგან, შიმშილისგან და ომისგან, სამუდამო გარდაცვალებისგან, შენი ამოუცნობი განკაცებით, შენი მოსვლით, შენი შობით, შენი ნათლისღებით და მარხვით, შენი ჯვრით და ვნებით, შენი გარდაცვალებით და დაკრძალვით, შენი წმინდა აღდგომით, შენი ამაღლებით, სული წმინდის მიერ ჩვენი დაცვით განკითხვის დღეს.

ეგ: ჩვენ ცოდვილნი,

დამ: გევედრებით გვისმინე ჩვენ*

* ყველი ლოცვის შემდეგ – გევედრებით გვისმინე ჩვენ.

ვინაიდან შენ გვიფარავ ჩვენ, ვინაიდან შეგვინდობ ჩვენ, ვინაიდან გვაძლევ სინანულს, ვინაიდან მფარველობ შენს წმინდა ეკლესიას, ვინაიდან გვიფარავ ჩვენ და ყველაფერს ჩვენს ეკლესიაში და რელიგიაში, ვინაიდან აიძულებ ქედი მოიხარონ ჩვენი ეკლესიის მტრებს, ვინაიდან შენ აძლევს მშვიდობას (სიმშვიდეს) და ჭეშმარიტ ჰარმონიას ჩვენი ეკლესიის წინამძღვართ, ვინაიდან შენ აძლევ მშვიდობას და ერთიანობას მსოფლიოში ყველა ქრისტიანს, რომ შენ აღადგენ ეკლესიის მთლიანობას და ყველა ურწმუნო მიგყავს ჭეშმარიტ შუქზე, ვინაიდან შენ გვეხმარები ვიყოთ შენს წმინდა სამსახურში, ვინაიდან გვინათებ გონებას რათა შევიცნოთ ჭეშმარიტი სურვილი, ვინაიდან გვანიჭებ სამუდამო წყალობას, ვინაიდან შენ იცავ ჩვენი და ჩვენი ახლობლების სულებს სამუდამო წყევლისგან,  ვინაიდან შენ გვაძლევ პურს ჩვენი არსობისას, ვინაიდან გვაძლევ შვებას, ვინაიდან მოწყალედ გვისმენ ჩვენ, უფალო, ძეო ღვთისაო.

ამის შემდეგ მღვდელი ამატებს შემდეგს: მოგვიტევე ჩვენ და ჩვენს მშობლებს ცოდვები ჩვენი და ნუ დაგვსჯი (იძიებ შურს) მათთვის ჩვენ(ზე).

ეგ: მამაო ჩვენო (აქ ჩერდება ცოტა ხნით)

ეგ: დაგვიფარე ჩვენ ცდუნებისგან;

დამ: და დაგვიფარე ჩვენ ბოროტისგან.

ამის შემდეგ მოდის 53 ფსალმუნი.

1. ღმერთო, სახელითა შენითა მაცხოვნე მე და ძალითა შენითა მისაჯო მე. 2. ღმერთო, ისმინე ლოცვისა ჩემისაი, ყურად-იხუენ სიტყუანი პირისა ჩემისანი. 3. რამეთუ უცხონი აღსდგეს ჩემ ზედა და ძლიერთა იძიეს სული ჩემი და არა შეჰრაცხეს ღმერთი წინაშე მათსა. 4. აჰა ესერა ღმერთი შემწე ჩემდა და უფალი შემწყნარებელ სულისა ჩემისა. 5. მიაქციო ბოროტი მტერთა ჩემთა; ჭეშმარიტებითა შენითა მოსრენ იგინი. 6. და მე ნებითა ჩემითა მსხუერპლი შევწირო შენდა, აუარო სახელსა შენსა, უფალო, რამეთუ კეთილ. 7. რამეთუ ყოვლისა ჭირისა ჩემისაგან, მიხსენ მე და მტერთა ჩემთა იხილა თუამლან ჩემმან

ფსალმუნის წაკითხვის შემდეგ ეგზორცისტი აგრძელებს:

ეგ: დაიფარე მონა შენი;

დამ: რომელსაც სჯერა (სწამს) შენი.

ეგ: მიეცი მას საშუალება შენი სახით იპოვნოს ციხე-სიმაგრე;

დამ: მტრის თვალში (მტრისგან დასაცავად)

ეგ: არ დართო მტერს უფლება მოერიოს მას;

დამ: და ბოროტების შვილს არ მისცე უფლება ზიანი მიაყენოს მას.

ეგ: დაეხმარე მას (მსხვერპლს) შენი წმინდა სამყოფელიდან;

დამ: და გადმოხედე მას სიონიდან.

ეგ: ღმერთო შეისმინე ჩემი ლოცვა;

დამ: და შეისმინე ვედრება (ტირილი, გოდება) ჩემი.

ეგ: ღმერთი იყოს თქვენთან,

დამ: ღმერთი იყოს თქვენთანაც.

მოდით ვილოცოთ.

ღმერთო მოწყალეო და შემნდობელო, შეისმინე და მიიღე ჩვენი ლოცვა შენი მონისთვის (მსახურისთვის), რომელიც დაბმულია თავისი ცოდვებით და მოიღე მოწყალება მასზედ და მიუტევე მას.

წმინდაო ღმერთო, ყოვლისშემძლეო, მამაო უფლისა ჩვენისა იესო ქრისტესი, რომელმაც დაანგრია ჯოჯოხეთი, ჩამოვიდა დედამიწაზე რათა დაემარცხებინა ლომი, შეისმინე ჩვენი ლოცვა რათა გამოვიხსნათ ეს ადამიანი (რომელიც შექმნილია შენს ხატად) ბოროტის (ეშმაკის) კლანჭებისგან . დაამარცხე ტერორი (ბოროტი), რომელიც ცდილობს დაიბუდოს შენს ვენახში. მიეცი შენს მსახურებს საშუალება ებრძოლონ ამ დრაკონს, დაგვეხმარე დატოვოს შენი მსახური. (მსხვერპლის სახელი) რათა აღარ იყოს მის ტყვეობაში, რომელიც შექმნილია შენს ხატად, დიდება მამასა და ძესა და წმინდასა სულსა, ამინ.

ამის შემდეგ ეგზორცისტი მიმართავს დემონს.

გაგრძელებას დავწერ შემდეგ პოსტში, ვინაიდან ძალიან დიდი რიტუალია, ამასთან მინდა კიდევ ერთხელ აღვნიშნო, რომ ეს არის რომაული (კათოლიკური) რიტუალი.


exorcism (ეგზორციზმი) ზოგადად


ეგზორციზმი არის ეშმაკის (დემონის) განდევნა ადამიანისგან ან ადგილიდან, როდესაც არსებობს საფუძველი იმისა, რომ ადამიანი (ან ადგილი)  შეპყრობილია ეშმაკით (დემონით). ეგზორციზმი უკვე გვხვდება ქრისტიანობის დასაწყისში, თუმცა აღნიშნული რიტუალის საფუძვლები ბევრად ადრე არსებობდა სხვა კულტურებსა თუ რელიგიებში.

სიტყვა ეგზორციზმი მოდის ბერძნული სიტყვიდან ek horkizo, რაც ნიშნავს ”მე ვაიძულებ (ვიღაცას) დაიფიცოს”.

ქრისტიანულ პრაქტიკაში ეგზორციზმს ატარებს სამღვდელო პირი (ეგზორცისტი). ეგზორცისტი რიტუალის დროს იყენებს სიმბოლოებს (ძირითადად ჯვარს), ნაკურთხ წყალს, მარილს, ღვინოს (როგორც ქრისტეს სისხლი), ლოცვებს და ძირითადად მიმართავს ღმერთს/იესო ქრისტეს, ანგელოზებს/მთავარანგელოზებს.
როგორც წესი ”ეშმაკით შეპყრობილი” ადამიანები არ აგებენ პასუხს საკუთარ ქმედებებზე და არც ბუნებით არიან მოწოდებული ემსახურონ ბოროტებას. ეგზორციზმის რიტუალი ემსახურება შეპყრობილი ადამიანის განკურნებას. ეგზორციზმის პროცესში შეპყრობილ ადამიანს არ აყენებენ ფიზიკურ ვნებას, საჭიროების შემთხვევაში (როდესაც არსებობს ძალადობის მუქარა) შეპყრობილ ადამიანს აბამენ.
ეგზორციზმი ტარდება (ქრისტიანობაში) ქრისტეს სახელით და მისი ძალით, ვინაიდან ქრისტემ თავის მოწაფეებს უბრძანა განედევნათ ბოროტი სულები ადამიანებისგან (რაც გვხვდება მათეს, მარკოზის და ლუკას სახარებებში).
ეგზორციზმი ამჟამად გვხვდება რომაულ რიტუალებში, ხოლო მართლმადიდებლურ ეკლესიაში ეგზორციზმის ანალოგიას წარმოადგენს ე.წ. ”კვეთებული”.
არსებობს 2 სახის ეგზორციზმი:
1. ”საზეიმო ეგზორციზმი” (Solemn Exorcism) – აღნიშნული რიტუალის ჩატარება შეუძლიათ მხოლოდ მღვდლებს, რომელსაც ამ საქმის შესასრულებლად უფლებას აძლევს ადგილობრივი ეკლესიის წინამძღვარი. თვითნებურად მღვდლებს ეკრძალებათ ეგზორციზმის ჩატარების გადაწყვეტილების მიღება. იმისთვის, რომ გაიცეს ეგზორციზმის ჩატარების უფლება, აუცილებელია ეკლესია დარწმუნებული იყოს იმაში, რომ საქმე რეალურად ეხება ”ეშმაკით შეპყრობას”.
2. ”მარტივი ეგზორციზმი” (Simple Exorcism) – აღნიშნულ შემთხვევაშიც რიტუალს ატარებს მღვდელი ან დიაკვანი, თუმცა ამ შემთხვევაში სპეციალური უფლება საჭიროებას არ წარმოადგენს და შესაბამისად გამოიყენება შედარებით მარტივ შემთხვევებში.
არსებობს შემთხვევები, როდესაც ადამიანი შეპყრობილია არა ერთი არამედ რამოდენიმე დემონით.
ეგზორცისტისთვის ყველაზე დიდ საფრთხეს წარმოადგენს ის, რომ შესაძლებელია პროცესის განმავლობაში მას თავად ”ჩაუსახლდეს დემონი” (თავად აღმოჩნდეს მსხვერპლის როლში), ამიტომ აუცილებელია, რომ ადამიანი, რომელიც ატარებს აღნიშნულ რიტუალს იყოს რაც შეიძლება წმინდა (ნაკლებად ცოდვილი), დარწმუნებული იყოს თავის რწმენაში.
ეგზორციზმის რიტუალი რამოდენიმე საფეხურისგან შედგება:
ყოფნა (დასწრება): ეგზორცისტი და მისი დამხმარეები გრძნობენ (ხვდებიან), რომ პირისპირ რჩებიან მათთვის უცნობ არსებასთან. ყველა ღონისძიება, რომელსაც აღნიშნული არსება იღებს მათ წინააღმდეგ გამოიხატება მსხვერპლის უშუალო ქმედებეში. ეგზორცისტის პირველ და უმთავრეს ამოცანას წარმოადგენს დააზუსტოს ვისთან აქვს საქმე და რაც მთავარია გაიგოს მისი სახელი (როგორც წესი ეს ყველაზე რთული საფეხურია).
გატეხვა: ეს არის მომენტი, როდესაც ეშმაკს ”ნიღაბს ხსნიან”, ხდება მისი ”გამოტეხვა/გამოაშკარავება”. ამ დროს იწყება სრული პანიკა, დაბნეულობა, რომელიც გამოიხატება ყვრილში, თვითდაშავებაში, ხავილში და ა.შ. შემდეგ ის იწყებს უშუალოდ მსხვერპლთან საუბარს და თავს არიდებს ეგზორცისტთან კონტაქტს.
ხმა: ეს წინა პუქტის ერთ-ერთი თანმდევი ნაწილია, როდესაც დემონი გამოსცემს ენით აუწერელ ხმას, ადამიანისთვის ყოვლად აუტანელს, ამიტომ სანამ დემონი არ გაჩუმდება მანამ არ გრძელდება რიტუალი (შეუძლებელია გაგრძელება).
შეჯახება: ეს არის მომენტი, როდესაც დემონი ჩუმდება, რაც ფაქტიურად ნიშნავს რომ ზე-ძალამ გაიმარჯვა. ამ მომენტში ეგზორცისტი ერთი ერთზე რჩება დემონთან ბრძოლაში და ცდილობს მოიპოვოს მასზე რაც შეიძლება დიდი ინფორმაცია იმისთვის რომ მისი კონტროლი იყოს შესაძლებელი. დემონსა და მსხვერპლს შორის არსებობს საკმაოდ მყარი კავშირი, ვინაიდან დემონს სჭირდება ადგილი სადაც ის იარსებებს, რადგან წინააღმდეგ შემთხვევაში მას მოუწევს ჯოჯოხეთში დაბრუნება. ანუ დემონი იბრძვის ჯოჯოხეთის გარეთ არსებობისთვის.
განდევნა/გაძევება: ეს არის ღვთის ნების გამარჯვების ტრიუმფი, ეშმაკი (დემონი) ტოვებს სხეულს იესოს სახელით. მსხვერპლს შეიძლება ბუნდოვნად ან საერთოდ არ ახსოვდეს მომხდარი.
ყველა შემთხვევაში აღნიშნული რიტუალი წარმატებით არ სრულდება, არსებობს მსხვერპლის გარდაცვალების რისკი ან შესაძლოა საერთოდ ვერ მოხერხდეს ეშმაკის განდევნა და რიტუალის ჩატარება თავიდან გახდეს საჭირო. არსებობს შემთხვევები, როდესაც ეგზორციზმი ერთ ადამიანს უტარდება არა ერთხელ. მაგ. ანელიზ მიშელს (ამაზე შემდეგ პოსტში ვისაუბრებ დეტალურად) ჩაუტარდა 70-ზე მეტი ეგზორციზმის რიტუალი, თუმცა არც ერთი არ დასრულებულა წარმატებით, მსხვერპლი კი დაიღუპა.

არ ვარ “პარანოიკი”. რომელმა ჩემმა მტერმა გითხრათ ეს?


მგონი ძალიან ცუდადაა ჩემი საქმე, აშკარად ვგრძნობ, რომ წამი წამზე მომიბრუნდებიან და მეტყვიან, რომ შემიძლია ჩავლაგდე, ხელები გამეყინა, უსაიმოვნოდ მაციებს და ფეხებში მგრძნობელობა წამერთვა. თან ისეთი დამცინავი ხმით გამოაცხადა, რომ შარი მოდის, აშკარად მივხვდი, ადრესატი მე ვიყავი, აბა სხვა ვინ იქნებოდა. წამოვხტე და სანამ გადამჭრელ ზომებს სხვა მიმართავდეს მე მივმართო? არა ხომ არსებობს იმის 1%, რომ მე ვცდები? აშკარად არსებობს და ამ 1%-იანი იმედის გადაჭრა აშკარად არ უნდა ვიჩქარო.
ისე ძალიან ამოვიდა ყელში მუდმივ მანდრაჟში და გულის ხეთქვაში ცხოვრება, რამდენ ხანს შეიძლება?! აი ”იმღერა” ”თი ბი სი ბანკის” საათმაც ე.ი. უკვე 12 საათია, შესაბამისად კარგად მემახსოვრება საათი, რომელზეც ჩამომემხო ჭერი თავზე.
მიზეზს მაინც ვერ ვხვდები, ყველა ჩემი უმნიშვნელო შეცდომა ან ”წამოყრანტალებაც” კი ზედმიწევნით კარგად მახსოვს ხოლმე, აი ამ კონკრეტულ მომენტში კი ვერაფრით ვიხსენებ როდის ”არ ჩაიბარეს ჩემი ბოთლები”.
და აი ყველაზე სასაცილო, დამთავრდა კლავიატურაზე თითების მკაცრი ბრახუნი და ეგრევე მოვიდა ჩემთან ელ-ფოსტა, მომენტში კინაღამ სკამიდან გადავვარდი, მაგრამ შევხედე და მივხვდი რომ შევცდი, ამ შემთხვევაში ელექტრონული ”უსტარი” სხვისგან იყო გამოგზავნილი.
არა ჯერ არ დამთავრებულა, აქაც შევცდი, ჯერ კიდევ მიმდინარეობს კლავიატურის წამება. ნუ რა საჭირო იყო ეს შესავალი? პირდაპირ პირში მომახალონ ხომ ჯობია, ამდენ გულის ხეთქვას მაინც ავცდები, იქნებ როგორმე ინფარქტსაც გადავურჩე, რაღაც არ მსიამოვნებს იმაზე ფიქრი, რომ ღამეს ”ჩაფიძის კლინიკაში” გავატარებ.
ვიცოდი რა ვიცოდი, ვრწმუნდები, რომ შანსი უნდა გამოვიყენო სანამ დამთავრდება ქასტინგი ”ექსტრასენსთა ბრძოლაზე”.
ამას მერჩივნა, ჩამოეტვირთათ ჩემი სურათი თუნდაც “facebook”-იდან, წაეღოთ სამშაბათს ღამის 12 საათზე კუკიას, ან მუხათგვერდის სასაფლაოზე (გემოვნების მიხედვით), საფლავის ქვაზე დაედოთ რომელიმე ჩემი ფოტო, ტაროს კარტი შემოეწყოთ, შავი სანთლები დაენთოთ, მტრედისთვის ყელი გამოეჭრათ და მთელი მონდომებით ელოცათ ჩემს უახლოეს წამებით სულის ამოხდაზე, მაგრამ აააარა!

10 წუთი გავიდა და მაინც არაფერი ვიცი და ვერც ვერაფერი გავიგე, მოკლედ ალბათ ის დროა გავიდე და მოვწიო.

რომ არა ინდური ან ჩინური ფილმები


არ გვეცოდინებოდა რომ:

ინდური ფილმების შემთხვევაში

  • ფილმის მთავარ გმირს ვერასოდეს შეუყვარდება მეორე მთავარი გმირი, თუ მათ ერთხელ მაინც არ იცეკვეს წვიმაში;
  • ერთხელ წასმული მაკიაჟი რჩება სამუდამოდ და მას ვერაფერს აკლებს ვერც ქარი და ვერც წვიმა;
  • წყვილი შესაძლოა ცეკვავდეს მინდორში და უცებ ღმერთმა იცის საიდან გამოვარდება 100 ადამიანი და უერთდება მათ ცეკვას;
  • უკანასკნელ სცენაში ფილმის მთავარი გმირი აუცილებლად აღმოაჩენს, რომ ბოროტი გმირი, რომელსაც ებრძოდა მთელი 3 საათიანი (ღმერთმა გაძლება მოგცეთ) განმავლობაში არის მისი ძმა, მოახლე რომელიც უვლიდა დედა, პოლიციის უფროსი მამა, მოსამართლე მისი ღვიძლი ბიძა და ასე დაუსრულებლად;
  • წყვილი როგორც მინიმუმ ერთხელ მაინც დაეცემა მიწაზე და სიმღერ-სიმღერით იგრორავებს, მანამ სანამ მათი ჩაცმულობა მინიმუმ ხუთჯერ მაინც არ შეიცვლება;
  • წყვილი ფილმის განმავლობაში აუცილებლად ირბენს ქოქოსის ხეებთან, დაემალებიან ერთმანეთს, მერე შეხედავენ გამჭოლი მზერით და არ დაგავიწყდეთ, რომ ამასობაში მღერიან და ტანსაცმელს იცვლიან;
  • მამაკაცს ტკივილს ვერ გრძნობს ყველაზე სასტიკი ცემის დროსაც კი, მაგრამ ჩხუბის შემდეგ საკმარისია საყვარელი ქალი მიეკაროს ჭრილობების გასაწმენდად მაშინვე იწყებს ტკივილისგან კვნესას;

ჩინური ფილმების შემთხვევაში

  • ფილმის მთავარი გმირის მშობლის როლი ყველაზე უიღბლო როლია, ვინაიდან მას აუცილებლად მოკლავენ მტრები ფილმის დასაწყისში, სანამ ფილმის მთავარი გმირი ბავშვია, რომ მან შემდეგ შეძლოს შურისძიება;
  • აგონიაში მყოფი გმირი, ყოველთვის ახერხებს მოიკრიბოს ძალა და დაასახელოს მისი მკვლელი, შემდეგ კი ის ოფიციალურად ცხადდება გარდაცვლილად;
  • გამოცდილ ადამიანებს შეუძლიათ ფრენა (სახურავებზე, ხეებზე და ა.შ.), მაგრამ რატომღაც, როდესაც სხვა სოფელში მიდიან მათ ყოველთვის სჭირდებათ ტრასპორტი (ცხენები, ვირები, ჯორები და ა.შ.)
  • ფილმის გმირებს არაფერში სჭირდებათ სამსახური, ისინი არასდროს მუშაობენ, თუმცა როდესაც საქმე ფულის გადახდას ეხება მათ ყოველთვის აქვთ ოქრო, ან უკიდურეს შემთხვევაში ვერცხლი;
  • ფილმის მთავარი გმირი და ”ბოროტი გმირი” აუცილებლად შეხვდებიან შემთხვევით ერთმანეთს, განურჩევლად იმისა თუ რამხელაა ქვეყანა და სად იმყოფებიან ისინი;
  • მათ ნებისმიერი რაოდენობით ნივთების შენახვა შეუძლიათ ტანსაცმლის სახელოში, ისე რომ ნივთი უდროო დროს არასოდეს დაუვარდებათ.


48 რამ რაც არ გვეცოდინებოდა კინოსა და ტელევიზიის გარეშე


1. 1 ჭიქა შავი ყავა ან სახეში ცივი წყლის შესხმა  სრულიად საკმარისია იმისთვის, რომ გამოფხიზლდეს ყველაზე მთვრალი ადამიანიც კი, რომელიც ოდესმე უნახავს კაცობრიობას.

2. დეტექტივს საქმის გახსნა შეუძლია მხოლოდ მას შემდეგ, რაც მოხსნიან დაკავებული თანამდებობიდან ან ჩამოაშორებენ საქმეს.

3. ჰაკერს შეუძლია შევიდეს მსოფლიოში ყველაზე დაცულ სისტემაშიც კი და 2 ცდაში გამოიცნოს საჭირო პაროლი.

4. 1 ცალ ასანთის ღერს შეუძლია გაანათოს საფეხბურთო სტადიონის ხელა ოთახიც კი.

5. აბსოლუტურად  ყველა ასაფეთქებელ  მოწყობილობას აქვს დიდი წამზომი დაყენებული, რომელიც წითლად აჩვენებს დროს იმისთვის, რომ იცოდე რამდენ ხანში აფეთქდება იგი.

6. ყველა ჰაკერი ან ინვალიდია და ან არასრულწლოვანი.

7. ყველა გაუთხოვარ ქალს ყავს კატა.

8. ნებისმიერი საკეტის გაღება შეიძლება საკრედიტო ბარათით ან ”სკრეპით”, გარდა ცეცხლმოკიდებული შენობის კარისა სადაც ბავშვია ჩაკეტილი.

9. ტყუპი ძმებიდან ერთ-ერთი აუცილებლად ბოროტია.

10. ძაღლებმა ყოველთვის იციან ვინ არის ბოროტი და ბუნებრივია რომ უყეფენ მას.

11. არასოდეს შეიხედო საწოლის ქვეშ.

12. ნებისმიერი გამოძიების დროს პოლიციელებს აუცილებლად დასჭირდებათ მინიმუმ ერთხელ სტრიპტიზ კლუბის მონახულება.

13. აბსოლუტურად ყველას აქვს ვისკის მაგიდა გვერდზე ყინულით, რომელიც არასოდეს დნება.

14. თუ მღვდელი არ ან ვერ შემოდის შენს სახლში დაიწყე ახალი სახლის ძებნა.

15. თუ ვინმე ამბობს ”მალე დავბრუნდები”- ის არ დაბრუნდება!

16.  თუ იპოვი ქალაქს, რომელიც დაუსახლებელია და უკვე უდაბნოს დაემსგავსა, ე.ი. საამისო მიზეზიც არსებობს, ესაბამისად იქნებ გაიგო ეს მინიშნება და მოერიდო ამ ტერიტოტიას.

17. თუკი ხმაური შემოგესმა და შემოწმების შემდეგ აღმოაჩინე რომ ეს მხოლოდ კატაა, სასწრაფოდ გაიქეცი ოთახიდან წინააღმდეგ შემთხვევაში სასტიკი სიკვდილით მოკვდები.

18. მანქანის დაყენება შესაძლებელია ნებისმიერი შენობის წინ სადაც მოგესურვება.

19. სამზარეულოებს არ გააჩნიათ ჭაღი შესაბამისად ღამით მისი განათება შესაძლებელია მხოლოდ მაცივრის კარის გამოღებით.

20.  1 კაცს გაცილებით მეტი შანსი აქვს მოკლას დანარჩენი 20, ვიდრე იმ ოცმა მოკლას ეს ერთი ადამიანი.

21. უნდა გადაჭრა ხაზი იმისთვის, რომ გაანეიტრალო ასაფეთქებელი მოწყობილობა? არ ინერვიულო შენ ნებისმიერ შემთხვევაში სწორ არჩევანს გააკეთებ.

22.  პოლიციის უფროსი ყოველთვის ცდება.

23. ეიფელის კოშკი პარიზის ნებისმიერი სახლის ნებისმიერი ფანჯრიდან ჩანს.

24.  ”მდიდარი ბიჭი” ყოველთვის ბოროტია.

25. სავენტილაციო სისტემა დასამალად ყველაზე საუკეთესო ადგილია, იდეაშიც არავის მოუვა იქ მოგძებნოს და მშვიდად შეგიძლია შენობის ერთი ნაწილიდან მეორეში გადასვლა.

26. შენ ნებისმიერ ადგილას შეძლებ იპოვნო ბენზოხერხი თუკი დაგჭირდება.

27.  ამერიკაში ყველა ტელეფონის ნომერი იწყება 555-ით.

28. უმთავრესი კანონი: არასოდეს ამოხსნა თავსატეხი, რომელიც გააღებს ჯოჯოხეთის კარიბჭეს!

29.  უფრთხილდით ტრასნვესტიტ ექიმებს, რომლებიც მღერიან.

30.  არასოდეს ჩახვიდეთ სარდაფში, მითუმეტეს თუ ელექტროენერგია ეს ესაა გაითიშა.

31.  ყოველთვის როდესაც ფილმის მთავარი გმირი შედის ბარში იწყებს ჩხუბს, როგორც წესი ეს ხდება ”ბუდვაიზერის” ნიშნის ქვეშ და ჩხუბი განსაკუთრებით იძაბება თუკი უკანა ფონზე უკრავს ქანთრის მუსიკა.

32. ბოროტ მეცნიერებს ყოველთვის ”ნაცისტურად ჟღერადი” სახელები და გარეგნობა აქვთ.

33. თუკი ტყვიები გაგითავდათ უბრალოდ მოისროლეთ იარაღი, ვინაიდან ყოველთვის შეძლებთ ახლის პოვნას.

34. ნებისმიერ ბიზნესში დაკავებულ მამას ყოველთვის ავიწყდება მისი ვაჟის მე-8 დაბადების დღე.

35. სავინტილაციო სისტემის მილები ყოველთვის ისეთი ზომისაა რომ მასში შეძვრომა არავისთვის წარმოადგენს პრობლემას, ამასთან მილი ყოველთვის კრისტალურად სუფთაა, ხოლო რკინის ბადე სავინტილაციო სისტემაში შესასვლელად იმდენად სუსტადაა დამაგრებული, რომ ხელის ერთი ნაზი მოძრაობითაც კია შესაძლებელი მისი გაღება.

36. მშრომელ და პატიოსან პოლიციელებს იარაღს და მოწმობას ართმევენ პენსიაზე გასვლამდე 2 დღით ადრე.

37. მოჩვენებიბით სავსე სახლში თუკი ქალი გადაწყვეტს ნახოს საიდან მოდის ამოუცნობი ხმა, მას აუცილებლად ეცმევა ყველაზე სექსუალური ღამის პერანგი.

38.  თუკი აღმოაჩენ ადგილს რომელიც ცნობილია მასიური მკვლელობებით ან პარანორმალური მოვლენებით სასწრაფოდ გაეცალე იქაურობას.

39.  თუ თქვენი შვილი იწყებს ლათინურად (ანუ მისთვის უცნობ ენაზე) საუბარს ან ლაპარაკობს ხმით, რომელიც მას აშკარად არ ეკუთვნის სასწრაფოდ ესროლეთ მას (ეს სამომავლოდ აგარიდებთ დროში გაწელილ დარდს და ვაებას).  ამასთან გაითვალისწინეთ, რომ 1 გასროლით ვერაფერს დააკლებთ, მისი ჩაცხრილვა მოგიწევთ.

40. ვიეტნამის ომის და ქალაქში მასიური ჟლეტის ტიპის სიტუაციებში ადამიანი, რომელსაც აქვს ყველაზე მეტი გეგმა, პერსპექტივა და იმედი მოკვდება.

41. ტელეფონზე საუბრისას მისალმება და დამშვიდობება აუცილებლობას არ წარმოადგენს.

42.  არასოდეს დაიჯერო, რომ შენი მეგობრისგან ჭეშმარიტად ”გავიდა დემონი!”

43.  მხოლოდ მამაკაცები არიან ალკოჰოლიკები. ამასთან ყველაზე უიმედო ალკოჰოლიკიც კი მომენტალურად შეეშვება სასმელს თუ საინტერესო ისტორიაში ჩაბმის შანსი გამოუჩნდება.

44.  მეცნიერობა ძალიან საშიში პროფესიაა, ”კარგი” მეცნიერები კვდებიან ფილმის პირველ ნახევარში, ”ბოროტ” მეცნიერებს საკუთარი ქმნილებები კლავენ ფილმის ბოლოს.

45. აღმოჩნდი სიტუაციაში, როდესაც თავი გერმანელ ოფიცერად უნდა გაასაღო? ამისთვის გერმანული ენის ცოდნა საჭირო არ არის, გერმანული აქცენტიც საკმარისია.

46. თავი შორს დაიჭირე კონკრეტული ადგილებისგან, როგორებიცაა: ამიტვილი, ელმის ქუჩა, კრისტალის ტბა, ტრანსილვანია, ნილბოგი (ღმერთი იყოს შენი მფარველი აქ თუ აღმოჩნდი), ბერმუდის სამკუთხედი ან ნებისმიერ პატარა ქალაქი.

47. ეჭვმიტანილებს ყოველთვის ზუსტად ახსოვთ რას აკეთებდნენ 1 კვირის წინ დღის კონკრეტულ მონაკვეთში, როდესაც რეალურ ადამიანებს ისიც კი არ ახსოვთ რას აკეთებდნენ დღეს დილით.

48. როდესაც აღმოაჩენ, რომ მოკალი მანიაკი/ბოროტი სული/დემონი, არ შეამოწმო რეალურად მკვდარია თუ არა ის. მანამდე ურტყი ბასრი იარაღი სანამ იმდენად წვრილ ნაწილებად არ დაჩეხავ, რომ მისი არც ერთი ნაწილი აღარ იქნება შენთვის საშიში. იმ შემთხვევაში თუ შენ მას ესროლე, ესროლე კიდევ ერთხელ თავში, და დაიმახსოვრე, რომ მას უნდა ესროლო მანამ სანამ არ შეწყვეტს ფართხალს, როდესაც შეწყვეტს ფართხალს სროლა გააგრძელე მანამ სანამ არ ამოგეწურება ტყვიების მარაგი იარაღში, შემდეგ იარაღი კვლავ დატენე და კვლავ დააცალე ტყვიები, შემდეგ დაანთე ცეცხლი და გვამი დაწვი. ეს ნებისმიერ გაუგებრობას გამორიცხავს, თუ საქმე არ ეხება დემონს, ამ უკანასკნელ შემთხვევაში გაიქეცი როგორც შეგიძლია.


Follow

Get every new post delivered to your Inbox.

Join 944 other followers

%d bloggers like this: